freedomfight777 (freedomfight777) wrote,
freedomfight777
freedomfight777

  • Mood:
  • Music:

Այո հայերեն եմ գրում

Կարդալով ahousekeeper-i այս գրառումը մի գաղափար ծնվեց:

Բայց մինչ այդ պատմեմ իմ պատմությունը, թե ինչպես ես սովորեցի մի քանի լեզուներ:  Իմ ծնողները ցանկանում էին ինձ ուղարկել ռուսական դպրոց: Հիշում եք երևի սովետական տարիներին ինչքան հարգի էին ռուսական դպրոցները: Բայց ինձ չընդունեցին այնտեղ, քանի որ տեղերը զբաղված էին:  Ստիպված հայրս որոշեց ինձ ուղարկել հայկական դպրոց, որտեղ սովորեցի մինչև 7-րդ դասարանը:   Ուսումս ընդհատվեց քանի որ մեր ընտանիքը տեղափոխվեց արտասահման աշխատելու: Ես այլևս դպրոց չէի գնում, տանն էի սովորում, իսկ տարվա վերջում գալիս էի Երևան քննություններ հանձնում ու տեղափոխվում հաջորդ դասարան:  Ճակատագրի հեգնանքով այնպես ստացվեց, որ ես ավարտական քննություններս հանձնեցի ռուսական դպրոցում ու փաստորեն ստացա ռուսական դպրոցի ատեստատ: :)  Բայց այդ ատեստատը արդեն քիչ էր իմ համար քանի, որ ես պատրաստվում էի ընդունվել ֆրանսիալեզու համալսարան, արտասահմանում: Ու ստիպված եղա մեկ տարի էլ գնալ ֆրանսիալեզու դպրոց: Այդ մեկ տարին շատ դժվար էր,   ես համարյա   բան չէի հասկանում ու ստիպված էի սովորել ուժերի գերլարումով: Մի կերպ գլորեցի այդ տարին, բայց ֆրանսերեն սովորեցի ու ընդունվեցի համալսարան:  Զուգահեռաբար այդ ամբողջ ընթացքում էլ սովորեցի  անգլերեն լեզուն:  Հետաքրքիրը այն է, որ ես սեր չեմ ունեցել լեզուների նկատմամբ: Քերականությունը իմ համար ամենաանիմաստ առարկան էր: Շարադրություն գրելը իմ համար ինկվիզիցիայի տանջանքներին հավասար մի բան էր, իմ միակ երկուսն էլ դպրոցում եղել է հայերեն Շարահյուսություն առարկայից: 
 Բայց դե չնայած այդ բոլորին ես ինքնուրույն սովորեցի 3 լեզու բացի հայերենից, ( նաև մի թեթև էլ արաբերեն ) բայց հիմա իմ առօրյա գրառումներում միշտ ձգտում եմ վերադառնալ հայերենին: Չգիտեմ ինչու.... երևի հայերեն իմանալը իսկապես ինձ օգնեց հաղթահարել մի քանի լեզուներով կրթություն ստանալու բարդությունները:

 
  Իսկ հիմա առաջարկում եմ իմ բոլոր ընկերներին ու նրանց ովքեր կարդում են իմ օրագիրը սկսենք մի ֆլեշմոբ որի իմաստը կլինի անել մի հայերեն գրառում: Եկեք գրենք հայերեն:  



հ.գ.  Նաև փնտրենք ֆլեշմոբի հայերեն թարգմանությունը: Օրինակ ֆլեշխումբ:  :)

 
Tags: հայերեն, ֆլեշխումբ
Subscribe
  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 11 comments