freedomfight777 ([info]freedomfight777) wrote,
@ 2007-05-06 20:27:00
Previous Entry  Add to memories!  Tell a Friend  Next Entry
Entry tags:ազատություն, հասարակություն, մտքեր, ներքաղաքական

Նոր ազգային մտքի ծննդյան հրամայականը - մաս երկրորդ

Շարունակում եմ ներկա ներքաղաքականի իրավիճակի վերլուծությունը:

Նախորդ գրառումում գրել էի, որ Հայաստանում շարունակում է ակտիվ մնալ համընդհանուր դժգոհությունը: Այդ դժգոհության խորքային պատճառները ունեն և՜ սոցիալական բնույթ, և՜ փիլիսոփայական, ինքնագիտակցական: Այսօր Հայաստանում ստեղծվել է մի յուրահատուկ իրավիճակ երբ կա հստակ դժգոհության էներգիա, որի միջոցով կարելի է մեծ փոփոխություններ անել, բայց չկա այն գաղափարը, որը կկարողանա միավորել ու ուղղորդել այդ պոտենցիալը: Ավելի ճիշտ նույնիսկ գաղափարներն էլ համարյա թե կա,  բայց դրանց կրողների քանակը դեռ այնքան մեծ չի, որ հնարավոր լինի սկսել բեկում մտցնել իրավիճակի մեջ:

Սկսենք նրանից թե ի՞նչ է ուզում հայը: Հայը անփոփոխ է իր ցանկությունների մեջ: Հայը միշտ ուզեցել ու ուզում է նույն բանը, բայց համարյա թե միշտ չի կարողացել այն լիարժեք ստանալ, և համարյա թե միշտ ընկել է բարդ իրավիճակների մեջ իր ցանկության համար: Հայը ուզում է ազատություն: Ազատություն ոչ թե սանձարձակության ու իր եսակենտրոն ցանկությունները իրականացնելու համար, այլ ընդամենը իր ներքին արարիչ մղումները ինքնադրսևորելու համար:

Եղել են կայսրություններ, որ այս փաստը հասկացել են ու օգտագործել են հայի արարչական էությունը ի նպաստ իրենց կայսրության: Եղել են կայսրություններ, որոնք գնալով դեպի անկում, անասնական վախ են զգացել հայերի հանդեպ, հատկապես հայերի ազատատենչության հանդեպ, կարծելով թե հայի ազատատենչությունն է իրենց կայսրության կործանողը, այնինչ հայի ազատատենչությունը երբեք ուղղված չէ ինչ որ բանի դեմ, այն ունի միշտ արարիչ բնույթ և գլոբալ հաշվով վնաս չի պատճառում :

Ով հասկացել է այդ բանը շահել է, ով չի հասկացել միշտ տուժվել է, ցավոք ձեռքի հետ էլ վնասելով հայերին: Հայերի մյուս կայուն գծերից է արդարության սուր զգացումը, և բիրտ ուժի մերժումը: Հայը չի ընդունում բիրտ ուժով իրեն պարտադրած որոշում, բայց հաճախ էլ հայը չի ուզում բիրտ ուժին պատասխանել բռնությամբ ու խուսափում է բիրտ ուժին բախվելուց, բռնելով գաղթի ճանապարհը, կամ էլ ավելի վատ բարոյալքվել ու տրվել է բիրտ ուժին առանց դիմադրելու:

Սա է պատճառը, որ հայերի պատմությունը կարելի է բնորոշել, որպես 4000-ամյա ազգային-ազատագրական պայքար: Սկսած Հայկից մինչև մեր օրերը: Սա է պատճառը, որ հայերի համարյա թե բոլոր պատերազմները ծնվել են անարդարության ուժեղ զգացումից, և սա է պատճառը, որ հայը հաճախ հոգնել է բռնությունների դեմ պայքարներից ու ընկել է մի տեսակ հիպնոսի տակ ու չի դիմադրել / հատկապես երբ նրա դեմ գործի են դրվել քարոզչական հնարամիտ մեթոդներ բռնության հետ զուգահեռ /: Բայց բռնությանը չդիմադրելուն զուգահեռ պետք է նշել մի փաստ, որ ի վերջո հայ մտքի վրա հնարավոր չէ ազդել բռնությամբ, վկա այն իրողությունը որ չնայած թուրք իշխանավորների աներևակայելի բռնություններին հայը դեռ շարունակում է իր պայքարը թուրքական բռնատիրության դեմ, և մոտ ապագայում չի ենթարկվի նրան, չնայած այն բանին որ որոշ մարգինալ տարրեր փորձում են նրան հաշտեցնել այդ բռնատիրության հետ:

Իհարկե կարելի էր վերլուծությունը ավելի մանրակրկիտ դարձնել բայց դրա կարիքը իմ կարծիքով չկա, հիմնական ուրվագիծը սա է: Եվ սրա հիման վրա տեսնենք թե ինչ տեսակի քաղաքական ուժ կարող է իրապես իրականացնել հայության հավերժական իղձերը: Եվ կա արդյո՞ք այսօրվա Հայքում նման քաղաքական ուժ, որ ի վիճակի լինի գնալ նման ուղով:


(12 comments) - (Post a new comment)


[info]ahousekeeper
2007-05-06 04:44 pm UTC (link)
> Հայը ուզում է ազատություն:

Սա վերաբերվո՞ւմ է անխտիր բոլոր հայերին։
Իսկ ի՞նչ կասես պատասխանատվության մասին։

Մեր օլիգարխները քեզ օրինակ՝ կարծես թե ունեն համեմատաբար ազատություն, բայց իրենց ազատությունը, որ սկսում են օգտագործել. վա՜յ մնացածին։

(Reply to this) (Thread)

[info]robbt
2007-05-06 05:51 pm UTC (link)
Մեր օլիգարխները ազատ են? Այ քեզ նորություն... ;)

(Reply to this) (Parent)(Thread)

[info]ahousekeeper
2007-05-06 06:56 pm UTC (link)
Նշել եմ. «համեմատաբար ազատություն»։

(Reply to this) (Parent)(Thread)

[info]robbt
2007-05-07 07:16 am UTC (link)
«Համեմատաբար» ազատությունը նույնն է ինչ «համեմատաբար» հղիությունը` մարդն իրեն կամ ազատ է զգում, կամ ոչ, երրորդը չկա:
Բնական է, որ ազատությունը «ենթակայական» կատեգորիա է, քանի որ իրականում մարդը եւ ոչ մի դեպքում ազատ չէ, քանի որ գոյություն ունեն մի շարք սոցիալական ինստիտուտներ, որոնք սահմանափակում են նրա ազատությունը: Այդ ինստիտուտներից ամենագլխավորը պետությունն է:
Ուստի, եթե մարդն իր հոժար կամքով պատրաստ է ստանձնելու այդ կառույցների բեռը, ուրեմն նա ազատ է: Իսկ հայը, որպես քրիստոնյա մշակույթի կրող, ի տարբերություն արեւելյան մի շարք ազգերի, որոնք «ինշալլա» փիլիսոփայությամբ են ապրում, կամովին պատրաստ է կրել իր սեփական պետության բեռը միայն այն դեպքում, երբ սոցիալ-տնտեսական դաշտում գործում են հավասար խաղի կանոններ («արդարություն») հնարավորինս բոլորի համար: Հակառակ դեպքում` արտագաղթ...

(Reply to this) (Parent)

[info]robbt
2007-05-07 07:27 am UTC (link)
Հա, իսկ օլիգարխների ազատությունը սահմանափակված է ոչ թե պետության կողմից, այլ անհատների, ինչն իրականում ծնում է «անազատության» ավելի մեծ զգացմունք, քանի որ քեզ կառույցը չի սահմանափակում, այլ այդ կառույցներն անօրինական օգտագործող մարդը, ինչը հոգեբանական առումով ավելի ճնշող է օլիգարխի համար:

(Reply to this) (Parent)

[info]louisehebog
2008-07-17 03:59 am UTC (link)
Արդյոք Դուք ևս, ինչպես և Ձեր հայրենակից Ռոբերթ Քոչարյանը դաշնակցության գաղտնի անդամ եք Շնորհակալություն: - Ես ապուշներ եմ անվանել ոչ թե այն մարդկանց, ովքեր հարց են ուղղում հոկտեմբերի ի վերաբերյալ, այլ նրանց, ովքեր մտածում են, որ ես առնչություն ունեմ այդ ոճրագործության հետ: Ես բազմիցս նշել եմ և հիմա էլ եմ շեշտում, որ հոկտեմբերի ը ուղղված էր հայոց պետականության դեմ, որի կերտման գործում ես և Վազգեն Սարգսյանը համատեղ բարդ ու դժվարին ճանապարհ ենք անցել: Ես իմ բոլոր քաղաքական քայլերը իրականացնում եմ հրապարակավ: Ինչ վերաբերում է կուսակցական լինելուն, ապա ես համախոհների հետ միասին հիմնել եմ ՙԴաշինք՚ կուսակցությունը և, բնականաբար, հանդիսանում եմ այդ կուսակցության անդամ: Յուրի Մանուկյան, Իսրայել, Թել-Ավիվ - պրն Բաբայան, Արցախը կատարել է իր ընտրությունը, գուցե նրան հանգիստ թողնեն: Իսկ մնացածի շուրջ բանակցություններ վարվեն: Ինչպե՞ս է Ձեր կուսակցությունը պատրաստվում գործել այդ ուղղությամբ: Ցանկանում եմ Ձեզ ամուր արցախյան առողջություն և բոլոր հայերի երազանքի իրականացում: - Շնորհակալ եմ բարեմաղթանքների համար: Արդեն նշել եմ, թե հարցի կարգավորումը ինչպես ենք մենք պատկերացնում, և այդ սկզբունքների շրջանակում վերջին մեկ տարվա ընթացքում ես կատարել եմ ինձանից կախված ամեն ինչ հանուն մեր երազանքի իրականացման: ՙԴաշինքը՚ նույնպես շարունակելու է աշխատել այդ ուղղությամբ: Արմինե Մարտիրոսյան, Երևան - Շենգավիթի շրջանում ապրող, հիմնականում բանվորական դասին պատկանող բնակիչներս միշտ չէ, որ հնարավորություն ենք ունենում Երևանի կենտրոնի էլիտար շենքերում բազմած կուսակցական շտաբներ այցելելու: Այնինչ լավ կլիներ տեղերում աշխատել, որպեսզի ժողովրդի իրական կարիքները հասկանաք: Արդեն քանի շաբաթ է՝ Երևանի Շենգավիթի շրջանում, Ծերեթելու փողոցի Ձեր կուսակցության գործող շտաբը փակվել է ու չի գործում (ասում են ֆինանսական խնդիրների պատճառով գրասենյակներ պետք լինեն միայն կենտրոնական վայրերում): Չէինք ուզենա, որ մյուս կուսակցությունների նման Ձեր կուսակցությունը, դեռ չծնված, դառնար ՙքաղքենի՚ ու ծայրամասերիս բնակիչներին հիշեր միայն ընտրությունից ընտրություն:Այնինչ մենք Ձեր՝ Շենգավիթի շրջանի այդ շտաբի հետ մեծ հույսեր էինք կապում մեր զանազան խնդիրների արդարացի լուծման առումով: - Նախ տեղեկացնեմ, որ մինչ հիմնադիր համագումար անցկացնելը մենք ամիսներ շարունակ մեծ աշխատանք ենք կատարել և կարողացել ենք ձևավորել վեց տասնյակից ավել տարածքային կազմակերպություններ ամբողջ Հայաստանի տարածքում: Այդ տարածքային կազմակերպությունները աշխատում են ամեն օր և մշտական կապ են պահպանում կուսակցության կենտրոնական գրասենյակի հետ: Եվ քանի որ կուսակցությունը, ամեն դեպքում, նոր է ձևավորվում, ուստի առաջանում են նաև տեխնիկական որոշ դժվարություններ, որոնք մենք փորձում ենք արագ լուծել: Շենգավիթի շրջանի Ծերեթելու փողոցի գրասենյակը ոչ թե դադարեցրել է իր գործունեությունը, այլ տեղափոխվել է Բագրատունյաց Արմեն Իսրաելյան, Երևան - Հարգելի գեներալ.

(Reply to this) (Parent)

[info]freedomfight777
2007-05-06 06:21 pm UTC (link)
>Սա վերաբերվո՞ւմ է անխտիր բոլոր հայերին։

Չէ, սա հայերի հավաքական պահվածքի համառոտ նկարագրության փորձ էր: Առանձին անհատներ կարող է բավականին բազմազան պահվածքներ ունենան, հայերի մեջ կան բազմաթիվ տեսակի մարդիկ ինչպես մյուս ազգերի մոտ: Ուղղակի հավաքական պահվածքը դրանից շատ չի փոխվում: Հավաքական պահվածքը ավելի հաստատուն ու երկարաժամկետ երևույթ է

Այս վերլուծության մեջ ես փորձ եմ անում գտնելու հայերի կառավարման այն տեսակը, որը հայերի մոտ չի առաջացնի խորը հիասթափություն, նիհիլիզմի հասնող արհամարանք, ֆատալիզմ, ծայրահեղ ռադիկալիզմ, ու նման հոգեկան իրավիճակներ որոնք կազմալուծում են ազգի ինքնապահպանման բնազդները, քանդում են այն մշակույթային հենքը որից սերվել է հայ ազգը, ու նման բազմաթիվ երևույթներ որոնց մենք բախվում ենք հիմա այսօր:

(Reply to this) (Parent)

[info]freedomfight777
2007-05-06 06:33 pm UTC (link)
Իսկ օլիգարխների մասին ասեմ:

Ովքեր են օլիգարխներ կոչվածները, կամ ավելի գլոբալ ասած վերնախավը:
Մարդիկ են որոնք պետք է տնտեսության-հասարակության կյանքը կազմակերպեն այնպես, որ այն նախ

1. Ժամանակի ընթացքում դառնա ավելի կատարյալ, այսինքն լինի ինչքան հնարավոր է անցնցում
2. Ժամանակի ընթացքում մեծանա ու ընդարձակվի: այսինքն տա բնական աճ:
3. Ժամանակի ընթացքում կարողանա դիմագրավել այլ համակարգերի հետ ընդհարումները և աշխատի այդ համակարգերի հետ շփվելուց ինքը շահեկան դուրս գա այլ ոչ թե տուժված:

Սա է այսպես կոչված վերնախավի ֆունկցիան: Դե հիմա եթե էդ մարդը իր առջև նպատակ է դրել այսօր կտրել Հայաստանի բոլոր ծառերը որպեսզի մի տաս տարի իրա կայֆերով ապրի ու հետո մի տաս տարի հետո էլ փախնի ասենք Շվեցարիա, իսկ մի 30 տարի հետո էլ իրա սերունդները ուծանան ու դառնան այնտեղ սովորական ծառայողներ ապա այստեղ ոչ մի գրավոր պատասխանատվության նորմեր նրա վրա չեն ազդի: Նրան դա չի հետաքրքրում: Նրա ապագան սահմանափակվում է 10-20 տարով ու վերջ, դրանից հետո թեկուզ ջրհեղեղ ու արմագեդոն:

Այստեղ հարց չի դրվում ինչպես այդ մարդուն դաստիարակել կամ նման բան:
«Նոր ազգային միտքը» պետք է իր առջև նպատակ դնի ինչպես միավորի այն մարդկանց որոնք մտածում են ավելի երկարաժամկետ, ինչպես պետք է նրանք կարողանան կամաց կամաց կամ թեկուզ արագ կերպով վերցնել իրենց վերահսկողության տակ հայ հասարակության կառավարումը ու ուղղորդումը դեպի ապահով ապագա:

(Reply to this) (Parent)

(Deleted post)

[info]ahousekeeper
2008-07-16 10:12 am UTC (link)
Արամ, սա սպամբոթ է, սրան ջնջի, ու ջնջելուց նշիր "Mark as Spam"։

(Reply to this) (Parent)

(Deleted post)

[info]ahousekeeper
2008-07-16 04:02 pm UTC (link)
Եւս մեկ սփամբոթ, սպանի´ր սրանց :)

(Reply to this) (Parent)

(Deleted post)

[info]ahousekeeper
2008-10-09 04:52 pm UTC (link)
Եւս մեկ սպամբոթ... Տառականների պես բազմանում են

(Reply to this) (Parent)(Thread)

[info]freedomfight777
2008-10-09 05:35 pm UTC (link)
մերսի
ջնջեցի, նշեցի որպես սպամբոթ

(Reply to this) (Parent)

(12 comments) - (Post a new comment)

Create an Account
Forgot your login or password?
Login w/ OpenID
English • Español • Deutsch • Русский…