freedomfight777 (![[info]](http://l-stat.livejournal.com/img/userinfo.gif){kind=small} freedomfight777) wrote,@ 2008-03-10 12:22:00 |
|
Խռոված հոգիների համար
Նարեկացի
Գողացան օտար խմբերը չարի
Սրտիս ու միտքիս ունեցվածքը ողջ,
Համաձայն գրքի կանխաբանության,
Որի պատճառով իսկույն սկսեց
Իմ մեջ նվազել իմաստությունը, ըստ առակողի,
Եվ ավելանալ ցանկությունները դեպի անբարին:
Հոգուս աչքերը չհառեցի ես
Իմ կյանքի գլուխ սուրբ Քրիստոսին,
Որ ընթանայի ճիշտ ճանապարհով:
Կամելով գնալ ավելի ուժգին` թաղվեցի սաստիկ,
Անչափին ձգտել` իմին չհասա,
Բարձրագույներին ծառանալ հասնել`
Նույնիսկ տեղիցս էլ գահավիժեցի,
Երկնային ուղուց անդունդներ ընկա.
Որքան ավելի շատ զգուշացա,
Այնքան ավելի վնաս կրեցի.
Ջանալով մնալ անվթար, անեղծ,
Խորտակվեցի ու ջարդվեցի իսպառ,
Մաքառել նաև ձախ կողմի վրա` գայթեցի աջով,
Նորը ձեռք բերել` նախկինն էլ կորցրի.
Չնչին բաների հետևից ընկած`
Կարևորներից զրկվեցի հավետ.
Մինչդեռ ուխտն էի պահել ցանկանում, դաշնը դ
Վատ սովորույթից կտրվել` ընկա
Նոր կորստաբեր մոլորության մեջ.
Փոքրերից փախած` մատնվեցի ձեռքերը մեծամեծերի.
Ինչ որ ես ինքս ստեղծել էի,
Չարաչար ոսոխ դարձրի իմ դեմ:
Նարեկացի
Կարդացեք հարգելի խռովարարներ, թե ինչ է լինում այն հոգիների հետ որոնք բարին են ուզում անել հետևելով Չար առաջնորդին:
