Երեկ ինձ մի քանի հոգի համոզում էին գնալ ընտրությունների: Նույնիսկ ավտոմեքենա էին բերել տան դեմը կանգնեցրել, որով կարող էի արագ գնալ տեղամաս, բայց ի վերջո չգնացի:
Այսօր առավոտյան տեսնելով ընտրության արդյունքները ևս մի անգամ համոզվեցի որ ճիշտ արեցի, որ չմասնակցեցի այդ անիմաստությանը:

Դեմոկրատիան այն տեսքով, որ մենք պատկերացնում էինք անկախությունից հետո, Հայաստանում սկսեց մեռնել 1995-ից սկսած և իր վերջակետին հասավ 2005-ի ռեֆերենդումի ժամանակ:  Եվ այդ դեմոկրատիայի մահվան պատճառը շատ պարզ էր: Նա չունեցավ բավականաչափ կրողներ Հայքում: ՀՀՇ-ականները առաջինը դավաճանեցին Դեմոկրատական սկզբունքներին ու առաջինը բռնաբարեցին դեմոկրատիան Հայաստանում:  Իսկ սովորական ժողովրդի համար այն այդպես էլ խորթ մնաց, քանի որ դեմոկրատիա բառը նույնացավ ալան-թալանի, արվամոլության, աղանդավորության, թուրքասիրության, սանձարձակության, նյութապաշտության և այլ մերժվող երևույթների հետ:  

Իսկ հիմա ժողովրդին դեմոկրատիան այլևս չի հետաքրքրում: Մի 10000 դրամը ավելի կարևոոր է, քան ամբողջ դեմոկրատական փիլոսոփայությունը ոտից գլուխ վերցրած:  Չգիտեմ ......... միգուցե սա այնքան էլ մեծ տրագեդիա չի, որքան կփորձեն մեզ այն ներկայացնել: Բայց մի բան հաստատ գիտեմ:  

Ազգի մասին իսկապես մտածողները պետք է փնտրեն ազգի շահերի պաշտպանության ու վերնախավի վրա ազդելու այլ լծակներ: Սա շատ ավելի հրատապ խնդիր է, քանի որ մենք դեռ ունենք բազում չլուծված համազգային խնդիրներ, իսկ հայը շարունակում ձուլվել հենց Հայաստանում:

Ընտրությունները այլևս լծակ չեն, դրանք ընդամենը մի մեծ բացօթյա յառմառկա են

Եվրախորհրդին անդամակցելուց հետո Հայաստանում տեղի ունեցած ընտրությունների մակարդակն ավելի է ընկել, ապրիլի 13-ին հայտարարել է ՀԺԿ ղեկավար Ստեփան Դեմիրճյանը, տեղեկացնում է ԱՌԿԱ-ն:


Համաձայն եմ Ստեփան Դեմիրճյանի կարծիքի հետ: Եվ պատճառը այդ մակարդակի անկումի շատ պարզ է: Երբ մենք դեռ Եվրախորհրդի անդամ չէինք ընտրակեղծիքների դեմ ընդվզումը ընկալվում էր, հանուն Արդարության ընդվզում: Արդարությունը ինքը վերազգային ու նույնիսկ վերմարդկային գաղափար է, դրա համար էլ մաքուր Արդարության համար պայքարը մոբիլիզացնում էր ժողովրդի լայն շերտերի ու իշխանությունները չէին կարող գնալ բացահայտ կեղծիքների:

Եվրախորհուրդ մտնելուց հետո, ընտրակեղծիքը սկսեց ընկալվել իբրև Եվրոպական արժեքների դեմ ուղղված բան, իսկ արդարությունը իբրև եվրոինտեգրացման խորհրդանիշ: Կատարվեց գաղափարների խեղաթյուրում: Այսինքն ընտրակեղծիքը այլևս չդիտվեց որպես ոտնձգություն արդարության դեմ այլ դարձավ զուտ աշխարհաքաղաքական խաղաքարտ: Պարզ է որ դրանից հետո ժողովուրդը ընդանրապես կորցրեց հետաքրքրությունը այդ բոլորի հանդեպ: Այդ դեգրադացիայի գագաթնակետը դարձավ 2005 թվի ռեֆեռունդումը որը վերաճեեց Եվրոպայի առաջ հերթական գալոչկա դնելու թատրոնի.... բայց  առանց դերասանների

Այս տարվա հուլիսի 1-ից հանրային շարժական բջջային կապի կանխավճարային հեռախոսաքարտերը հաճախորդներին տրամադրում են գրավոր պայմանագրի հիման վրա: Այսօր միաձայն նման որոշում կայացրեց Հանրային ծառայությունները կարգավորող հանձնաժողովը: Որոշման համաձայն, պայմանագիր կնքելիս բաժանորդը պետք է ներկայացնի անձը հաստատող փաստաթղթի պատճենը: Մինչև այս տարվա հուլիսի 1-ը իրացված հանրային շարժական բջջային կապի կանխավճարային հեռախոսաքարտեր ունեցող բաժանորդների հետ գրավոր պայմանագրերը պետք է վերակնքվեն մինչև 2007թ. նոյեմբերի 1-ը:

Ինչպես նշեց հանձնաժողովի ներկայացուցիչ Գ. Գևորգյանը, որոշումը պայմանավորված է Հայաստանի հանրային շահի և ազգային անվտանգության շահերի պաշտպանության անհրաժեշտությամբ: 

Տեխնոտրոն տոտալիտարիզմի մասին ֆանտաստիկ գրքերում շատ ենք կարդացել, բայց որ այն կսկսենք արդեն մեր կյանքում տեսնել երևի քչերն էին պատկերացնում: Ամենահետաքրքիրը այն է որ դա կատարվում է ոչ թե Սովետական տիպի պետության կողմից, այլ ազատության ու մարդասիրության լոզունգների տակ: